Grafalvarlegt.

Svona sprengihótanir eru grafalvarlegt mál, því allir vita að árásir í skólum, hafa verið framkvæmdar í löndum ekki fjarri okkur. Ísland er ekki lengur úr alfaraleið, og hér gilda sömu lögmál og annarsstaðar, bæði góð og slæm. Svona hótanir verður því að taka alvarlega. Ég heyrði reyndar þá skýringu í útvarpinu að margir héldu að um mann væri að ræða sem væri að redda kærustunni fríi, og aldur hins handtekna og ástand hans, virðist benda til að svo geti verið. Mér finnst firringin í þjóðfélaginu komin á alltof alvarlegt stig ef fólk vílar ekki fyrir sér að setja fram sprengjuhótun sem veldur fjölda fólks óþægindum og ótta, til að fá frí, einfaldara er að melda veikindi. Þetta er sama firring og hjá svokölluðum activistum, sem telja algjörlega réttlætanlegt að skemma eigur fólks, ef þeim finnst það hafa gert eitthvað á sinn hlut. Hvað er næst? 

Hótunin strax tekin alvarlega

Haraldur hárfagri (lúfa)

Eru Íslendingar ekki bara að minnast upprunans, þegar forfeður okkar flúðu ofríki Haraldar og skatta, þegar hann var að sameina Noreg. Þá held ég að fólk horfi á stærðarmun ríkjanna og telji hættu á ofríki Norðmanna í krafti stærðarinnar, og Ísland yrði í raun eins og fylki í Noregi. Vissulega eru þetta skyldar þjóðir og hafa marga sameiginlega hagsmuni, þám., vonandi olíu eftir nokkur ár. Í Norðmenn vantar þó Írska þáttinn, sem við höfum frá formæðrum okkar sem voru flestar frá Bretlandseyjum skv., genarannsóknum. Norðmenn eru þannig heldur reglufastari en við og meiri trúmenn, og hef ég reyndar heyrt þeim lýst þannig, að sé eitthvað ekki beinlínis leyft, þá sé það bannað, sem ég hef reyndar einnig heyrt um Svía, sem er öfugt við Ísland, þó eitthvað virðist það vera að breytast í seinni tíð.

Ég tel perslega að ríkjabandalag þessara frændþjóða gangi ekki upp, frekar en samband okkar við Dani á sínum tíma. Ég held að ESB sé mun heppilegra fyrir okkur, enda er það efnahagsbandalag en ekki ríkja, og þjóðirnar halda sjálfstæði sínu í bæði ytri og innri málefnum, sem ekki er raunin með ríkjabandalag í anda USA, þar sem yfirstjórnin fer með sameiginleg mál og utanríkismálefni, og er ég anzi hræddur um að þar réðu Norðmenn.  

Þverrandi áhugi á ríkjabandalagi

Skammast þeir sín ?

Það hefur vakið athygli mína að þessir sjálfskipuðu björgunarmenn Íslands eru jafnan með klúta fyrir andliti þegar þeir stunda mótmæli sín. Ég velti fyrir mér afhverju þeir vilja ekki þekkjast, þegar ég hefði haldið að þetta fólk væri stolt af "björgunarstörfum" sínum. Varla er það af sömu ástæðu og andlitsfelur múslimskra kvenna. Getur verið að þetta sé athæfi sem þeir hálfskammast sín fyrir innst inni og vilji því ekki þekkjast meðal annars fólks.  

Sex mótmælendur handteknir

Óþolandi hátterni.

Það er alveg sama hvað viðkomandi hefur gert af sér og hvað maður er reiður, og þó reiðin sé réttlætanleg í þessu tilviki, þá eru eignaspjöll á eigum viðkomandi óafsakanleg. Ef mönnum finnast þau réttlætanleg þá er orðið stutt í að réttlæta líkamsárásir á þá sem reiðinni valda. Ég held að enginn vilji löglaust samfélag þar sem menn hefna sín beint á þeim sem hafa valdið þeim reiði. Bendi á að þannig féll Íslenska þjóðveldið, þ.e. það vantaði frkvvald til að framfylgja dómum, NB. dómum en ekki hefnd án dóms. Ég endurtek að það er óþolandi ef menn ætla  sjálfir að gerast bæði dómarar og böðlar, sama hvað gert hefur verið á þeirra hlut.

Málningu úðað yfir bíl Björgólfs

Hlaupaofurmenni

Er ekki hægt að komast að því frá hvaða ættbálki í Afríku forfeður þessara rosalegu spretthlaupara í Karabíska hafinu komu. Einnig eru margir knattspyrnusnillingar frá þessum slóðum, og dugar að nefna Ruud Gullit. Í frhaldinu mætti reyna kynbætur hér á landi og gera gott betra. 

Bolt með 3 gullið

Vonandi lifir Bónus

Þessi frétt vekur hjá mér ugg um að Bónus verslanirnar séu í hættu að dragast inn í hrun eigendanna á öðrum sviðum. Það er slæmt því ég held að það sé óumdeilt að stofnun Bónus hafi verið ein besta kjarabót sem almenningur hefur fengið. Því þar var í fyrsta skipti komin alvöru lágvöruverðsverslun, og hefur Bónus enda haldið uppi virkri verðsamkeppni við aðrar svipaðar sem síðar hafa komið til td., Krónan. Hræddur er ég um að hugsanlegir nýjir eigendur reyni að kreista meira útúr verslununum með hærra vöruverði, og erfitt held ég að verði að fá betri rekstraraðila á þessu sviði en þá Bónusfeðga, þó sonurinn hafi sýnt sig allmistækan á öðrum viðskiptasviðum. Vonandi heldur Bónus áfram á sama hátt og hingað til, og bjóði okkur lægsta landsins verð á þeim vörum er þeir hafa til sölu.

Hagar í gjörgæslu Kaupþings

Minnir á Íslenska bankahrunið.

Flotið sofandi að feigðarósi er gamall málsháttur sem á einnig ágætlega við. En þessi frétt minnir óþægilega á viðbrögð ísl., bankamanna kringum hrunið, því enginn þeirra þóttist hafa hugmynd um afhverju það gerðist, og öllu öðru um að kenna en þeim sjálfum. Rúmeninn slapp blessunarlega óskaddaður, en bönkunum hefur nærri því tekist að draga þjóðina með sér í gjaldþrot, og ekki útséð með það enn.

Féll fjórar hæðir í svefni

Miskunnarleysi ameríkana

Hinn "sannkristni" Ameríkani sýnir það enn og aftur að honum hefur aldrei verið kennt nýja testamentið. Mannúðarsjónarmið virðast ekki vera til í hans orðabók og lögmál gamla testamentisins "auga fyrir auga og tönn fyrir tönn" það sem gildir. Þeir eru enda eina þjóðin sem tilheyrir hinum vestræna heimi sem stundar dauðarefsingar. Þá eru þeir það forhertir skv. fréttum að þeir lífláta jafnvel andlega vanheilt og/eða þroskaheft fólk. Það er Bretum til mikils sóma að hlusta ekki á þá og sleppa dauðvona manni, svo hann geti dáið á heimaslóðum, þó að hann hafi framið hryllilegan glæp, enda verður ekki séð hvað það hjálpar ættingjum fórnarlamba að hann deyi á fangelsissjúkrahúsi, frekar en sjúkrahúsi á heimaslóðum.  

Obama gagnrýnir Skota

Er þörf á bólusetningu?

Miðað við þessar fréttir af hraðri útbreiðslu svínaflensu, verður hún komin í hámark áður en væntanlegt bóluefni kemur einhvern tíma í september. Miðað við að hún virðist ekki leggjast þyngra á fólk en venjuleg flensa, leyfi ég mér að varpa því fram að stjórnvöld afpanti bóluefnið og spari með því umtalsverða fjármuni, sem gætu örugglega nýst betur en að bólusetja þegar sýkt fólk.

Ör fjölgun inflúensutilfella

Ameríkaninn er miskunnarlaus.

Hinn "sannkristni" Ameríkani sýnir það enn og aftur að honum hefur aldrei verið kennt nýja testamentið. Mannúðarsjónarmið virðast ekki vera til í hans orðabók og lögmál gamla testamentisins "auga fyrir auga og tönn fyrir tönn" það sem gildir. Þeir eru enda eina þjóðin sem tilheyrir hinum vestræna heimi sem stundar dauðarefsingar. Þá eru þeir það forhertir skv. fréttum að þeir lífláta jafnvel andlega vanheilt og/eða þroskaheft fólk. Það er Bretum til mikils sóma að hlusta ekki á þá og sleppa dauðvona manni, svo hann geti dáið á heimaslóðum, þó að hann hafi framið hryllilegan glæp, enda verður ekki séð hvað það hjálpar ættingjum fórnarlamba að hann deyi á fangelsissjúkrahúsi, frekar en sjúkrahúsi á heimaslóðum.  

Lýsa yfir vonbrigðum með lausn al-Megrahi