Kjölfestan að hætta.

Þetta er víst ellimerki hjá mér að Watts sé að hætta, en hann hefur í mínum huga jafnan verið rólegi maðurinn í Steinunum, sem hefur haldið þessu saman, sem mér vitanlega hefur aldrei lent í gulu pressunni á svipaðan hátt og hinir  limirnir. Hann byrjaði í hljómsveitinni ári eftir að ég fæddist, þannig að ég ólst upp við trommuslátt hans og Ringós, verð að vísu að viðurkenna að ég var hrifnari af Ringó og Bítlunum meðan ég taldist til stráka. En í seinni tíð, kannski fyrir áhrif kunningja míns á Selfossi, hafa Rollingarnir haft betur. Ef fréttin er sönn, sem er ekki ólíklegt miðað við aldur, sé ég eftir honum og óska velfarnaðar á eldri árum.  

Watts hættur í Rolling Stones?

Athugasemdir

[Jens Guð, 3.9.2009 kl. 01:40]

  Sem Stóns-aðdáandi hef ég tekið eftir því að á hljómleikum hljómsveitarinnar fær Watts alltaf mesta klappið þegar hann er kynntur til leiks.  Hann er frekar góður trommari en samt ekkert meiriháttar góður í samanburði við þá bestu.  Hann er djassgeggjari og ég á djassaða sólóplötu með honum.  Alveg ágæta.