Út yfir gröf og dauða.

Þetta er hugljúf frétt, þó við fyrstu sín sé erfitt að sjá tilganginn, nema náttúrulega ódrepandi ást. En þó ég þekki ekki frönsk erfðalög, finnst mér ekki ólíklegt að þau séu ekki ósvipuð þeim íslensku, þar sem sambúðarfólk á ekki erfðarétt eftir hvort annað nema gerð hafi verið erfðaskrá. Þetta er því mannúðleg aðferð franskra til að veita eftirlifandi sambúðaraðila sömu réttarstöðu, og hefðu þau verið í hjónabandi.   Þessa aðferð mætti alveg taka upp í norrænum rétti, svo ekki komi upp sama dæmi og í Svíþjóð, þar sem frægur metsöluhöfundur sem dó fyrir aldur fram, skildi sambýliskonuna eftir arflausa, þar sem þau voru ógift og höfðu ekki gert erfðaskrá. Þá þekki ég mörg dæmi um sambærilegt hér á Íslandi.

Giftist löngu látnum unnusta sínum

vísustubbur

Virtur, vanta ei heiðarleik,

vera jafn og traustur.

Sjálfbær, frjáls skulu standa keik,

Sinni fjölskyldu, kærleiksaustur.

Fólk logandi af áhuga

Þjóðþingsvísa

Virtur, vanta ei heiðarleik,

vera jafn og traustur.

Sjálfbær, frjáls skulu standa keik,

Sinni fjölskyldu, kærleiksaustur.

Þjóðin leggur áherslu á heiðarleika

Smá leir.

Silfur Joly save Iceland,

stýrðu saksastóði.

Án þín Óli fer í strand,

en losnar á Jolyflóði.

Vonaðist til að hitta Björk

Engin er eyland, nema Ísland!!!

Við Íslendingar erum merkileg "fullvalda" þjóð sem þarf ekki ráðleggingar frá "fáfróðum" útlendingum sem bera ekkert skynbragð á íslenskan efnahag eða menningu, þó þeir hafi til málamynda verið ráðnir til ráðlegginga. Við erum einfær um að setja okkur á hausinn, og rétta okkur við, og höfum ekkert að gera við að læra af fordæmum frá öðrum löndum. Það væri enda hin mesta fyrra að fara í samband við önnur Evrópuríki, enda ekkert þaðan að hafa nema staðlaðar reglur og stöðugan gjaldeyri. Þó við höfum ekki mannskap nema á við smáborg í Evrópu, er hver Íslendingur þvílíkur víkingur, að við förum létt með að reka nútímasamfélag, án afskipta eða samskipta við aðrar þjóðir nema til að selja þeim það sem við viljum, á okkar kjörum. Þá er mjög sanngjarnt að við flytjum allar okkar vörur út tollfrjálst, en tollum allt sem við þurfum að flytja inn. Lifi fullvalda eylandið Ísland!! 

Jóhanna ósammála Josefsson

Banna allt sem pirrar mig!

Lágt finnst mér þingmenn Hreyfingar komnir ef ekki er hægt að ræða annað í ræðustól en neftóbaksnotkun. Verður næst kvartað yfir of lyktsterkum ilmvötnum, eða menn hafi borðað illaþefjandi mat, nefni nú ekki ef menn eru ósmekklega klæddir og hafa borðað hvítlauksrétt, og bera á sig of sterkt ilmvatn, og særa þannig bæði fegurðar- og lyktarskyn þingkonunnar. Verst er ef viðkomandi flytur síðan leiðinlega ræðu og er á öndverðri skoðun við hana, og toppurinn náttúrulega ef viðkomandi tæki í nefið eftir alltsaman.

Kvartaði yfir neftóbaksnotkun þingmanna

Svigrúm til skattahækkana!!

Þetta eru náttúrulega góðar fréttir, að ástandið sé bara svart, en ekki kolsvart. Gefur stjórnvöldum að sjálfssögðu svigrúm til aukinna álagna á einstaklinga og fyrirtæki.

Minni samdráttur en spáð var

Eðlileg regla.

Þegar fólk hefur tekið lán gegn veði í fasteign hafa lánastofnanir jafnan metið veðhæfni fasteignarinnar, og yfirleitt ekki lánað nema upp að ákveðinni prósentu af matsverðinu. Við ástand eins og er í dag þar sem lán sem voru vel innan veðhæfis eru skyndilega kominn upp fyrir í mörgum tilvikum, er ekki óeðlilegt og raunar sanngjarnt, að lánastofnunin beri einnig áhættu, en skuldarinn sitji ekki einn í súpunni. Það væri enda í hæsta máta ósanngjarnt ef skuldarinn, auk þess að glata fasteign sinni, og þeirri eign er stóð eftir í henni þegar lánið var veitt, standi uppi með umfram skuldir vegna hækkunar á lánum og og verðfalls eignar, sem skuldarinn á enga sök á og getur ekkert gert við. Aldrei þessu vant styð ég því frumvarp frá V-grænum. 

Opnar möguleikann á að skila lyklunum

Góð búmennska??

Leyfi mér að setja aftur inn sama blogg og um skattahækkanir enda á það eins við hér. 

Það veit ég að grönnum mínum hér í uppsveitum, hvort sem þeir rækta búfé eða jarðargróður, dytti aldrei í hug að þeir gætu aukið framleiðslu sína með því að draga úr áburði, ljósi eða fóðurgjöf. Þetta virðist hinsvegar hugsunin bak við efnahagsaðgerðir þær er nú eru að líta dagsins ljós, þ.e., ná launum niður og hækka skatta einstaklinga, og auka framleiðslukostnað fyrirtækja. Þetta á að skila mjög auknum tekjum í ríkiskassann. Leyfi ég mér að efast um að tilætlaður árangur náist með þessum aðgerðum, frekar en sambærilegar hjá bændum, og verði frekar til að bæta gráu á svart. Hitt er annað að ofeldi er engu skárra eins og sást á bankahruninu í fyrra. 

Brjáluð leið - ekki blönduð

Góð búmennska??

Það veit ég að grönnum mínum hér í uppsveitum, hvort sem þeir rækta búfé eða jarðargróður, dytti aldrei í hug að þeir gætu aukið framleiðslu sína með því að draga úr áburði, ljósi eða fóðurgjöf. Þetta virðist hinsvegar hugsunin bak við efnahagsaðgerðir þær er nú eru að líta dagsins ljós, þ.e., ná launum niður og hækka skatta einstaklinga, og auka framleiðslukostnað fyrirtækja. Þetta á að skila mjög auknum tekjum í ríkiskassann. Leyfi ég mér að efast um að tilætlaður árangur náist með þessum aðgerðum, frekar en sambærilegar hjá bændum, og verði frekar til að bæta gráu á svart. Hitt er annað að ofeldi er engu skárra eins og sást á bankahruninu í fyrra. 

Mikil hækkun skatta í pípunum