Málfrelsi

Hinn merki franski heimspekingur Voltaire sagðist vilja deyja í vörn fyrir réttinn til að halda fram skoðunum sem hann fyrirliti.

Málfrelsi er einn af hornsteinum lýðræðisríkja, og allar tilraunir til að hefta það ber að líta mjög alvarlegum augum. Það felur í sér menn mega óheft setja fram sínar skoðanir á nær öllum hlutum, og eru ekki heftir að öðru leiti en því að virða mannhelgi annarra, þ.e., ekki setja fram ærumeiðingar, lygar eða ásakanir til að klekkja á öðrum, auk þess sem einkalíf manna er talið heilagt, einnig er mönnum ætlað að virða skoðanir annarra, þó þeir "fyrirlíti" þær.

Ég hef nú verið meðlimur svokallaðra bloggheima í nokkra mánuði, og er ánægður með flest það sem þar er skrifað, og tel mig fróðari eftir lestur margs bloggsins. Ég verð þó að játa að mér finnst alltof margir fara yfir strikið í skrifum sínum, yfirlýsingagleðin óhófleg og virðing fyrir skoðunum annarra engin, og jafnvelt deilt á þá fyrir að dirfast að halda sínum skoðunum fram, því það sé "siðferðilega rangt". Þá hef ég jafnvel séð skrif sem virðast fela í sér hreina illgirni í garð þess sem fyrir verður. Með því að penninn er beitt vopn hallast ég að því að setja þessháttar skrif í sama flokk og eignaspjöll þeirra aðgerðasinna sem teja þau réttlætanleg í garð þeirra sem þeim hefur sinnast við, af því að þeir gerðu ekki hlutina eins og þeir vildu.

Leyfi ég mér að lokum að snúa einum málshætti Konfúsíusar til bloggara, þ.e., Að skrifa ekki það um aðra sem þeir vilja ekki láta skrifa um sig.

Réttmæt gagnrýni er nauðsynleg, og hana er vel hægt að setja fram á kjarnyrtan en þó kurteisan hátt.

Leyfi ég mér að vona að þeir bloggarar sem ærumeiðingarskrif stunda (Yfirleitt nafnlaust)  

Athugasemdir

[DoctorE (IP-tala skráð) 26.8.2009 kl. 14:00]

Góður fyrirlestur frá Christoper Hitchens um þetta/hate speech
http://doctore0.wordpress.com/2009/08/17/christopher-hitchens-on-free-speech-and-freedom-of-expression/

Mín reynsla af ærumeiðandi skrifum bloggara er sú að það skiptir engu hvort menn eru undir nafni eða ekki... jafnvel að þeir sem eru undir fullu nafni séu oftar að rífa gogg

[Sigurður Gunnarsson, 26.8.2009 kl. 14:26]

Var að reka augun í að lok síðustu setningar vantar, á að vera -) hafi ofangreint í huga og telji jafnvel upp að hundrað, ef þeim liggur mikið nirði fyrir, áður en þeir hefja skrifin.