"Bartholomeusarmessa"

Í framhaldi af bloggi mínu um kónginn sem fékk París fyrir messu, var því skotið að mér að hinn sami kóngur hefði síðar staðið fyrir útrýmingarherferð á hendur fyrrum trúbræðrum, þannig að þeir voru strádrepnir og byrjað á nefndri messu, og þeir sem ekki forðuðu sér úr landi eða keyptu sér líf með messu voru drepnir hvar sem til þeirra náðist. Var Frakkland "alkaþólskt" eftir það. Set þetta meira fram til fróðleiks en að ég búist við einhverju svipuðu hér.

Athugasemdir

[Hans Haraldsson (IP-tala skráð) 16.8.2009 kl. 18:50]

Þarna hefur einhver ruglað saman.

Fjöldamorðið á Bartólómeusarnótt fór vissulega fram á meðan að hátíðarhöld vegna brúðkaups Margrétar af Valois og Hinriks af Navarre stóðu yfir en þá ríkti Karl IX. Katrín af Medici, móðir konungs, er almennt talin hafa staðið á bak við ódæðið.

Hinrik varð hinsvegar ekki Frakklandskonungur sjálfur fyrr en 1589, eða 17 árum eftir fjöldamorðið.

[Sigurður Gunnarsson, 16.8.2009 kl. 18:58]

Hafa skal það sem sannara reynist. París og messan er hinsvegar rétt.

[Sigurður Gunnarsson, 16.8.2009 kl. 19:13]

Svo ég bæti við þá fannst mér þetta í ljósi sögunnar og sambærilegra atburða þar sem ráðist var á fyrrverandi samherja, t.d., nótt hinna löngu hnífa, föstudaginn 13, og meðferð Stalíns á fyrri félögum þó þar sé engin sérst., dagur, svo trúlegt að ég var ekkert að kanna það frekar. Hinsvegar var það móðirin sem skipaði drápin, þannig að ekki munar kannski svo miklu. 

[Hans Haraldsson (IP-tala skráð) 16.8.2009 kl. 22:16]

Katrín var móðir Karls IX, ekki Hinriks IV.

[Óskar Helgi Helgason (IP-tala skráð) 16.8.2009 kl. 22:20]

Heilir og sælir; Sigurður - sem og, aðrir hér á síðu !

Rétt; mælir Hans, sem jafnan, í sögulegum skírskotunum, sem víðar.

Misminni mig ekki; er Barthólomeusarnótt, aðfararnótt 24. Ágúst.

Með beztu kveðjum; sem jafnan /

Óskar Helgi Helgason

[Sigurður Gunnarsson, 16.8.2009 kl. 23:00]

Svona áður en farið er í frekari sagnfræði, þá sló ég þessari frásögn fram meira sem ýkt dæmi um hvernig "trúskiptingar" og þá einnig pólitískir geta farið með fyrrum samherja og verð ég að játa að ég er betur að mér í mörgum öðrum tímabilum en franskri sögu kringum siðaskipti.