Er MS eitthvað lélegri en hinir tveir?

Bendi á að hann er stofnaður á grunni MR og úr honum komið margt afburðafólk  t.d., Guðm.Guðmson, Salvör Nordal, Hörður Arnarsson ofl., ég held að þessir öskureiðu foreldrar ættu að hugsa aðeins áður en þeir koma með svona fjarstæðukenndar fullyrðingar. 

Foreldrar bálreiðir

Athugasemdir

[reynir (IP-tala skráð) 23.6.2009 kl. 14:30]

SNOBB

[Vala (IP-tala skráð) 23.6.2009 kl. 14:37]

Þetta er ekki spurning um snobb eða að MS sé eitthvað lélegur. Það er verið að hneykslast á því að Verzló sem er fyrsta val þessarar stelpu setur standardinn vissulega hátt en þessi stúlka hefur virkilega góðar einkunnir og kemst samt ekki inn. Sama mál með MR sem er hennar annað val.

Verzlunarskólinn tekur inn um 300-400 nemendur ætliði að segja mér að þau öll séu með hærri meðaleinkunn en þessi stúlka? Vegna þess að samræmduprófin voru felld niður þá er ekki hægt að gera almennilegan samanburð á einkunum á milli skóla. Kerfið er bara orðið alltof lélegt! Það er það sem er að reita fólk til reiði, því þetta bitnar á börnunum.

[Daníel (IP-tala skráð) 23.6.2009 kl. 15:22]

Vandamálið liggur augljóslega ekki hjá skólunum sjálfum heldur menntamálaráðuneytinu. Verzlunarskólinn bað t.d. um að fá að hafa inntökupróf eftir að samræmdu prófin voru felld niður til að geta metið nemendur betur (þar sem að grunnskólar gefa mjög mismunandi einkunnir) en fengu ekki.

[Ásthildur Gunnarsdóttir, 23.6.2009 kl. 16:41]

Fyrir það fyrsta var það fáranlegt að afnema samræmduprófin. Sjálf fór ég í Verzló og það var alls ekki auðvelt að komast inn. Ég held að lægsta meðaleinkunn úr samræmdum prófum sem komst inn í skólann árið 2000 hafi verið í kringum 7,8. Þetta er skóli sem hefur getað valið sér nemendur og sé ég ekkert að því. Ef þessi stúlka ætlar sér t.d. að læra viðskiptagreinar í framtíðinni þá er hún að missa af miklu við það að fá ekki inn í Verzló. Bara sem dæmi...

Maður hefur bæði séð og heyrt að menntaskólar eru afar misjafnir hvað varðar kröfur í námi og það er ekkert nýtt.

En eins og áður sagði þá skil ég ekki hvað menntamálaráðuneytinu gekk til með þessum breytingum.

[Friðrik Þór Guðmundsson, 23.6.2009 kl. 17:17]

MS er/var úrvalsskóli. Ég hef aldrei heyrt nokkrun mann í kringum mig spurðan að því með einhvers konar aðgreiningu í huga hvort hann/hún hefði próf úr þessum eða hinum framhaldsskólanum. Hjá mér er miklu frekar uppi sú ímynd að nemendur í MS, MH og slíkum skólum séu almennt til mikilla muna skemmtilegri og frjálslegri en nemendur í Versló eða MR...

[Jakob (IP-tala skráð) 23.6.2009 kl. 17:36]

Þetta er bara ekker spurning um hvort að MS sé eitthvað verri skóli en hinir. Þetta er spurning um það í hvaða skóla stelpunni finnst hún heima í. Skólarnir eru mismunandi með mismunandi kúltúr innan veggja skólans. Sumir fíla sig betur þar sem aðrir geta ekki ímyndað sér að vera.

 Mér finnst það alveg útí hött að menntamálaráðuneytið neytaði versló um að hafa inntökupróf því það er það eina í stöðunni sem ég sé að meikar einhvern sens!

[Sigurður Gunnarsson, 23.6.2009 kl. 17:49]

Ég sé er ég opna tölvu mína aftur að einhver viðbrögð hafa orðið við saklausum hugleiðingum mínum. Gagnrýni mín beindist að sjálfsögðu að orðavali foreldra hinnar eflaust ágætu stúlku og námfúsu eins og hún sýnir með glæsilegum einkunnum. Því það er varla þunglyndisorsök að fara í góðan menntaskóla sbr. Friðrik hér að framan, sem hún reyndar sjálf setti á sinn lista. En það fór í mig að gamli skólinn minn væri "einhver" skóli. Þá hafa synir mínir verið í FSU annar og hinn nú í ML, og sá þriðji stefnir á MA, og ekki kvarta ég og er ánægður með þá. 

[Sigurður Gunnarsson, 23.6.2009 kl. 17:53]

Ætlaði að bæta við að frhskólarnir eru með mismunandi kennsluaðferðir eftir því hvort þeir eru með bekkja- eða áfangakerfi og að sjálfsögðu hentar hvort kerfi nemendum misjafnlega.

[Stonie (IP-tala skráð) 23.6.2009 kl. 20:18]

Þessi skóli er bara stöðutákn, ekkert annað.

[Stonie (IP-tala skráð) 23.6.2009 kl. 20:18]

Verzló þ.e.a.s.

[Verslókennari (IP-tala skráð) 23.6.2009 kl. 22:19]

Til að svara spurningunni hér að ofan þá hefur ásókn í Verzló verið það mikil undanfarin ár að lægstu einkunnir inn hafa verið kringum 8,5 (úr samræmdu) og lægri einkunnum vísað frá. Því má ætla að þeir sem hafi komist inn hafi allir hærra en 8,25 í ár þótt annað kerfi hafi átt að nota að þessu sinni. Svo er annað mál að þessar einkunnir út úr grunnskóla segja ekki alla söguna um það hvernig námsmenn eru á ferð.

[KJ (IP-tala skráð) 23.6.2009 kl. 22:41]

Svar: Já, hann er það.

[Brynjar Björnsson (IP-tala skráð) 23.6.2009 kl. 23:03]

Undirritaður komst að endingu að hjá MR þrátt fyrir 6.5 meðaleinkunn í samræmdum prófum og eftir að hafa verið hafnað í MH og MR og settur á biðlista. Eyddi tveimur niðurdrepandi vikum í FB, sem mér leist afar illa á. Það virðist bara vera allur gangurinn á því hvar maður endar í leitinni að menntaskóla.

Hvað varðar meintan mun á skemmtanleika og frjálsleika milli fólks frá ákveðnum skólum held ég að sé afar illa grunduð kenning... eða eru þeir "jafnmisjafnir og þeir eru margir"?

[nemandi (IP-tala skráð) 24.6.2009 kl. 17:48]

''Til að svara spurningunni hér að ofan þá hefur ásókn í Verzló verið það mikil undanfarin ár að lægstu einkunnir inn hafa verið kringum 8,5 (úr samræmdu) og lægri einkunnum vísað frá.''

Þetta er rangt, skólastjórinn í Verzló sagði mér sjálfur að 7.7 hefði verið það hæsta sem lágmarkskröfur fyrir utan síðasta ár (þá var það 8.07)  og árið í ár (þá var það 8.45).
Er sjálf á leiðinni í menntaskóla á næsta ári, er með 8.6 í meðaleinkunn og komst ekki inn í neinn skóla sem ég sótti um (sótti um Versló,Kvennó og MS) svo ég er bara komin með pláss í FÁ.. sem mér finnst engann veginn ásættanlegt þar sem ég er með það háar einkunnir að öll önnur ár hefði ég getað valið menntaskóla.

Mamman segir aldrei að MS sé eitthvað lélegri, það er bara ekki skólinn sem stelpuna langaði í og nemendur með svona háar einkunnir ættu að geta farið í þá skóla sem þá langar í, en kerfið núna er í algjöru rugli.. það er það sem mamman er að benda á