Ekki benda á mig.

Enn heldur vitleysan áfram, ætlast Lýður til að almenningur trúi þessu, að bankastjórn hafi ekki verið kunnugt um þessi viðskipti við sheikinn, eins og þeim var flaggað á sínum tíma. Ef hinsvegar satt er, og horft er til stærðar viðskiptanna og þeirra góðu áhrifa sem þau áttu að hafa á ásýnd bankans, þá virðist stjórnun og eftirlit með henni, af hendi yfirstjórnar bankans hafa verið enn lélegri en maður hélt. Allavega sverja allir topparnir af sér alla ábyrgð á hruninu sem og vafasömum viðskiptum og segja allt hafa verið einhverju öðru að kenna.

"This will be a field day for the special prosecutioner"

Vissi ekki um lán til Al-Thani

Fínna heiti á gjaldþrota/nauðasamningameðferð!

Ég hélt satt að segja að þetta úrræði hefði verið búið til í þeim tilgangi að hjálpa verulega illa stöddum skuldurum aftur á fætur. Samkvæmt síðustu fréttum virðist það hinsvegar fela í sér að fólk fær sömu meðferð og ef það væri í gjaldþrotaskiptum. Það komast enda fáir á fætur ef þeir eru komnir á "svarta listann" hjá bönkunum, búið að loka á alla fyrirgreiðslu, og jafnvel kreditkortum í skilum lokað. Það verður að hugsa þetta upp á nýtt og koma með einhver raunhæf úrræði. Ég hef áður bloggað um vantrú á frystingu greiðslna, og líkt því við að pissa í skóinn, ef ekkert annað kemur til. Því miður sýnist mér ekkert vera að gerast í efnahagsástandinu, og atvinnulífið hrekkur ekki í gang fyrr en það fær aðgang að lánsfé á eðlilegum kjörum, og sem fyrst traustari gjaldmiðli.

Gjaldþrota greiðsluaðlögun

Málfrelsi

Hinn merki franski heimspekingur Voltaire sagðist vilja deyja í vörn fyrir réttinn til að halda fram skoðunum sem hann fyrirliti.

Málfrelsi er einn af hornsteinum lýðræðisríkja, og allar tilraunir til að hefta það ber að líta mjög alvarlegum augum. Það felur í sér menn mega óheft setja fram sínar skoðanir á nær öllum hlutum, og eru ekki heftir að öðru leiti en því að virða mannhelgi annarra, þ.e., ekki setja fram ærumeiðingar, lygar eða ásakanir til að klekkja á öðrum, auk þess sem einkalíf manna er talið heilagt, einnig er mönnum ætlað að virða skoðanir annarra, þó þeir "fyrirlíti" þær.

Ég hef nú verið meðlimur svokallaðra bloggheima í nokkra mánuði, og er ánægður með flest það sem þar er skrifað, og tel mig fróðari eftir lestur margs bloggsins. Ég verð þó að játa að mér finnst alltof margir fara yfir strikið í skrifum sínum, yfirlýsingagleðin óhófleg og virðing fyrir skoðunum annarra engin, og jafnvelt deilt á þá fyrir að dirfast að halda sínum skoðunum fram, því það sé "siðferðilega rangt". Þá hef ég jafnvel séð skrif sem virðast fela í sér hreina illgirni í garð þess sem fyrir verður. Með því að penninn er beitt vopn hallast ég að því að setja þessháttar skrif í sama flokk og eignaspjöll þeirra aðgerðasinna sem teja þau réttlætanleg í garð þeirra sem þeim hefur sinnast við, af því að þeir gerðu ekki hlutina eins og þeir vildu.

Leyfi ég mér að lokum að snúa einum málshætti Konfúsíusar til bloggara, þ.e., Að skrifa ekki það um aðra sem þeir vilja ekki láta skrifa um sig.

Réttmæt gagnrýni er nauðsynleg, og hana er vel hægt að setja fram á kjarnyrtan en þó kurteisan hátt.

Leyfi ég mér að vona að þeir bloggarar sem ærumeiðingarskrif stunda (Yfirleitt nafnlaust)  

Ekki ég! Ég er fórnarlamb.

Alveg er það dæmalaust, að það er sama við hvern er talað af "útrásarvíkingunum", allir benda þeir á einhvern annan sem ábyrgan fyrir fjármálahruninu. Bisnismenn benda á bankastjórana, ríkisstjórnina og Fjármálaeftirlitið, en bankastjórarnir alla hina. Þeir að vísu viðurkenna "smávægileg" mistök, en þeir hafi sjálfir tapað mestu, sbr. Hreiðar í Kastljósi um daginn og Lýð í þessari frétt. Þeir virðast enga ábyrgð taka á óábyrgri útlánastefnu eða óábyrgri lántöku til að byggja himinháar spilaborgir, sem vel mátti sjá fyrir að færu um koll við fyrsta vindgust, og tækju þá undirstöðuna, Íslenska ríkið, með sér í fallið. Það er mannlegt að reyna að afsaka mistök, en mér finnst þetta komið út í öfgar.

Fengum langmesta höggið

Seðlabankastjóri með viti ?

Vonandi erum við nú komin með mann í seðlabankastjórastólinn sem sér að hið himinháa vaxtastig er að sliga bæði atvinnulífið og almenning. Auk þess sem hin sveiflukennda króna okkar viðheldur verulegu óöryggi í öllu viðskiptalífi. Ég held einnig að flestir hugsandi menn geri sér grein fyrir að hvortveggja framangreint, burtséð frá ICESAVE og öðru, heldur aftur af nýsköpun og framþróun í atvinnulífinu, og setur bæði fyrirtæki og almenning á hausinn, og viðheldur og jafnvel eykur atvinnuleysi. Vona að nú verði farið að dæmi annarra vestrænna ríkja og vextir lækkaðir í sama stig og þar, og fjárhagsleg innspýting sett í atvinnulífið, þá ætti að vera von til að ástandið fari að lagast sbr., Þýskaland, Japan, Frakkland ofl., ríki. Auðlindirnar skortir okkur ekki, en aðilar verða að hafa aðgang að fjármagni á eðlilegum vaxtakjörum til að geta nýtt þær og skapað arð fyrir þjóðfélagið. 

Es. Ég er ekki að tala um samskonar "furðulán" og margir útrásarvíkingar fengu, heldur eðlileg nýsköpunar og rektrarlán.

Krónan of lágt skráð

Hvað með hin lánin?

Þetta er gott og blessað með húsnæðislánin. En margir hafa orðið að lifa á neyslulánum undanfarna mánuði, og eru komnir í vandræði með yfirdráttinn, afborganir af heimilistækjum og öðru og standa ekki undir afborgunum af hlutum sem keyptir voru í góðri trú, og ekki má gleyma bílalánum. Er eitthvað hugsað um þessa lánaflokka. En þetta fólk er jafnvel komið með lokun á bæði kredit og debitkortin, og sér ekki fram á að geta greitt í núverandi ástandi. Nær allir eru með lægri tekjur en fyrir hrun, og margir atvinnulausir.

Höfuðstóll lána verði lækkaður

Ofurviðkvæmir Ísraelar.

Þó ljótt sé að segja þá finnst mér gyðingar vera farnir að misnota hinar hræðilegu ofsóknir á hendur þeim af hendi nazista. Þannig virðist ekki á nokkurn hátt vera hægt að gagnrýna Ísraelsríki, án þess að viðkomandi sé stimplaður gyðingahatari. Gyðingarnir virðast einnig gleyma því að innan ríkisins búa fleiri en þeir sjálfir, þar eru einnig kristnir, múslimar, drúsar ofl., og úr þessum hópum koma einnig Ísraelskir hermenn. Þeir verða hreinlega að þola gagnrýni eins og önnur ríki, sama hversu fjarstæðukennd hún er, einsog mér finnst í þessu sænska tilviki, og að fjölmiðlafrelsi gildir í hinum vestræna heimi, sem þeir vilja telja sig til, og stjórnvöld bera ekki ábyrgð á því sem þar kemur fram, heldur fjölmiðillinn sjálfur.

Kært fyrir kynþáttaofsóknir

Hrunfólk ?

Ekki átta ég mig á því hverjir tilheyra þessum hópi, því grundvöllur skaðabótaskyldu er að menn geti séð fyrir  það tjón sem athafnir þess eða athafnaleysi kann að valda. Áhættutaka er yfirleitt ekki sk.bótaskyld, nema hún sé fyrirsjáanlega fáránleg og líkleg til að valda öðrum tjóni. Þannig efast ég um að td., Björgúlfur eldri hafi séð fyrir að hann yrði gjaldþrota vegna rangra ákvarðana. Rangar ákvarðanir eru teknar einhverntímann af öllum og nær alltaf í góðri trú um að þær hafi verið réttar. Ég get því ekki ímyndað mér að hægt sé að lögsækja marga einstaklinga í skaðabótamáli. Hinsvegar tek ég undir með þorra þjóðarinnar að fjármálastofnanir voru að taka óeðlilega mikla áhættu, og hygla stjórnendum óhæfilega, sp., hvort þar væri ekki helsti refsi/bótagrunnurinn. Eftirá skilur maður heldur ekki hvað stofnunum var hleypt langt, og er ég ekki saklaus af því frekar en aðrir að hafa trúað stjórnendum og stj.málamönnum um að allt væri í himnalagi. 

Höfða einkamál gegn hrunfólkinu

Góðar fréttir.

Það er upplífgandi á þessum síðustu og "verstu", að sjá að enn lifir framtak meðal þjóðarinnar. Ef þetta er raunhæft er nóg landrými í nágrenni Þorvaldseyrar, bæði Skógasandur, og svo ekki sé minnst á Mýrdalssand og enn austar Skeiðarársand. Það væri ævintýralega góður kostur að geta grætt upp sandana, stöðvað sandfok og framleiða olíu í leiðinni. Náttúruvænna verður það ekki.

Þreskja repju á Þorvaldseyri og ætla að vinna olíu

Blóðmjólkun

Það er ánægjulegt að sjá að ábyrgir fjölmiðlar í bæði Englandi og Hollandi eru að átta sig á að það eru takmörk fyrir því hve mikið er hægt að mjólka hina nú horuðu mjólkurkú Ísland. Vonandi veit þetta á gott í lokafrágangi ICESAVE mála. Allavega virðast stj.málamenn oft fylgja í kjölfar fjölmiðla ef þeir telja það líklegt til vinsælda.

Íslendingar verðskulda samúð