Engin er eyland, nema Ísland!!!

Við Íslendingar erum merkileg "fullvalda" þjóð sem þarf ekki ráðleggingar frá "fáfróðum" útlendingum sem bera ekkert skynbragð á íslenskan efnahag eða menningu, þó þeir hafi til málamynda verið ráðnir til ráðlegginga. Við erum einfær um að setja okkur á hausinn, og rétta okkur við, og höfum ekkert að gera við að læra af fordæmum frá öðrum löndum. Það væri enda hin mesta fyrra að fara í samband við önnur Evrópuríki, enda ekkert þaðan að hafa nema staðlaðar reglur og stöðugan gjaldeyri. Þó við höfum ekki mannskap nema á við smáborg í Evrópu, er hver Íslendingur þvílíkur víkingur, að við förum létt með að reka nútímasamfélag, án afskipta eða samskipta við aðrar þjóðir nema til að selja þeim það sem við viljum, á okkar kjörum. Þá er mjög sanngjarnt að við flytjum allar okkar vörur út tollfrjálst, en tollum allt sem við þurfum að flytja inn. Lifi fullvalda eylandið Ísland!! 

Jóhanna ósammála Josefsson

Athugasemdir

[Atli (IP-tala skráð) 13.11.2009 kl. 12:13]

Nákvæmlega - þetta er náttúrlag bara orðið gaman að þessu öllu saman, stanslaus skemmtun að horfa uppá þessa reynslubolta okkar í ríkisstjórninni sem hafa varla farið út fyrir bæjarmörkin í sinni sveit til að kynna sér hvað hefur verið og hvað er að gerast og hvað mun væntanlega gerast hjá sveitungum þeirra í kringum sig, þ.e. UK, EU, USA o.s.frv. ;-)

Það er akkúrat engin reynsla að hafa verið að gera samahlutinn svo lengi að þú mannst ekki eins sinni eftir því afhverju þú byrjaðir á því að gera hlutinn upphaflega og til hvers.  Skv. mínum rannsóknum og reynslu er engnum hollt að vera starfandi hjá sömu stofununinni í lengur en 5 til 7 ár, á þetta ekki bara við um stjórnunarstöður, þetta á við um allar stöður og störf ;-)

Með þetta í huga er vert að lesa Að elska er að lifa eftir Gunnar Dal til að sjá hlutina í öðru ljósi.

Lifið heil og áfram Ísland;-)

Góða helgi,

Atli