Íslandsmet í klofningi.

Þó ég hafi ekki verið stuðningsmaður Borgarahreyfingar í síðustu kosningum, fagnaði ég í sjálfu sér komu þeirra og bjóst við ferskum hugmyndum sem myndu jafnvel hræra upp í hinum flokkunum. Ekki óraði mig fyrir því að flokkurinn yrði kominn í þrjá hluta með haustinu, þ.e., 3 þingmenn í nýjum flokki, einn sjálfstæðan og Borgarahreyfingin sjálf þingmannslaus. Stór sp. hvar varamenn þingmannanna standa ef einhver af þessum 4 forfallast. Mér þykir þetta sorgleg niðurstaða og á hún örugglega eftir að hafa áhrif á hugsanleg ný framboð í framtíðinni, því fólk veigrar sér örugglega við að kjósa nýtt, þegar það horfir á fordæmið.  

Klofningur í Borgarahreyfingu

Athugasemdir

[ThoR-E, 18.9.2009 kl. 14:29]

Virkilega dapurlegt.

Síðan er erfitt að gera upp við sig hvað málið er virkilega. Frá einum "arminum" kemur ein ástæðan, og frá hinum kemur önnur.

Þetta virðist hafa verið valdabarátta tveggja hópa innan hreyfingarinnar sem endaði með því að allt fór í kalda kol.

[Jón Halldór Guðmundsson, 18.9.2009 kl. 14:34]

Er ekki hægt að skilja að ný hreyfing fá barnasjúkdómana sína, þegar næst stærsti flokkur landsins og ein að kjölfestum stjórnmála landsins virðist vera vingulslegur í stórum málum þjóðarinnar?