Hvað með hin lánin?

Þetta er gott og blessað með húsnæðislánin. En margir hafa orðið að lifa á neyslulánum undanfarna mánuði, og eru komnir í vandræði með yfirdráttinn, afborganir af heimilistækjum og öðru og standa ekki undir afborgunum af hlutum sem keyptir voru í góðri trú, og ekki má gleyma bílalánum. Er eitthvað hugsað um þessa lánaflokka. En þetta fólk er jafnvel komið með lokun á bæði kredit og debitkortin, og sér ekki fram á að geta greitt í núverandi ástandi. Nær allir eru með lægri tekjur en fyrir hrun, og margir atvinnulausir.

Höfuðstóll lána verði lækkaður

Athugasemdir

[Gunnar Th. Gunnarsson, 26.8.2009 kl. 08:44]

Þetta er rétt, fólk er ekki síður í vandræðum með bílalánin. Sumir eru e.t.v. með allt á hreinu varðandi húsnæðislánin en missa samt ofan af sér vegna bílanna.

[Andri Geir Arinbjarnarson, 26.8.2009 kl. 09:01]

Og hvað með hina viðskiptavini bankanna sem var sagt að kaupa hlutabréf og skuldabréf?  Á bara að  bæta tap hjá peningasjóðseigendum og húsnæðislántakendum?  Hvar endar þetta?

[Ívar Jón Arnarson, 26.8.2009 kl. 11:06]

Neyslulánin þarf náttúrulega að skoða hvert fyrir sig.

Mér finnst hæpið að þeir sem tóku lán (hvort sem það er yfirdráttur eða annarskonar lán) fyrir hlutabréfakaupum, fái það bætt, nema náttúrulega um svik innan þeirra félaga hafi verið að ræða. Það er nátturulega ákveðin tegund af, mér liggur við að segja heimsku, án þess þó að ég vilja fara að væna einhvern sérstaklega um að vera heimskur, dómgreindarbrestur væri kannski réttara , að taka lán fyrir hlutabréfakaupum.

Viðskipti með hlutabréf, sama hvað bréf um ræðir, er áhættufjárfesting, mismikil þó.

Hinsvegar eru inneignir í séreignasjóðum hverskonar, húsnæðislán og bílalán í allt öðrum flokki. Margir voru grunlausir sannfærðir um að taka erlend lán frekar en í íslenskum krónum, spurning með bílasalana, hafa hingað til ekki talist fjármálaspekúlantar (allaveganna ekki upp til hópa), en í bönkunum var fjöldi fólks talið trú um að erlend lán væru mikið hagstæðari og hin og þessi og hin sparnaðarlína hagstæðari en aðrar. Þar hefur mikill þorri fólks verið blekktur, enda hverjum er hægt að treysta í fjármálum ef ekki þínum þjónustu aðila í bankanum ?

Hef sjálfur lifað aðeins um efni fram eins og svo margir, tók lán fyrir bíl, hafði samt vit á því að segja nei við erlenda láninu, og sé ekki eftir því.

En mér dettur ekki í hug að fara sérstaklega þess á leit að fá einhverja sérstaklega leiðréttingu á því, vissi alltaf að verðbólgan gæti farið á hvornveginn sem er, skal samt viðurkennað að ég átti ekki von á slíkri óðaverðbólgu. Eina leiðréttingin sem ég get vænst er að verðbólgan fari niður.