Hrunfólk ?

Ekki átta ég mig á því hverjir tilheyra þessum hópi, því grundvöllur skaðabótaskyldu er að menn geti séð fyrir  það tjón sem athafnir þess eða athafnaleysi kann að valda. Áhættutaka er yfirleitt ekki sk.bótaskyld, nema hún sé fyrirsjáanlega fáránleg og líkleg til að valda öðrum tjóni. Þannig efast ég um að td., Björgúlfur eldri hafi séð fyrir að hann yrði gjaldþrota vegna rangra ákvarðana. Rangar ákvarðanir eru teknar einhverntímann af öllum og nær alltaf í góðri trú um að þær hafi verið réttar. Ég get því ekki ímyndað mér að hægt sé að lögsækja marga einstaklinga í skaðabótamáli. Hinsvegar tek ég undir með þorra þjóðarinnar að fjármálastofnanir voru að taka óeðlilega mikla áhættu, og hygla stjórnendum óhæfilega, sp., hvort þar væri ekki helsti refsi/bótagrunnurinn. Eftirá skilur maður heldur ekki hvað stofnunum var hleypt langt, og er ég ekki saklaus af því frekar en aðrir að hafa trúað stjórnendum og stj.málamönnum um að allt væri í himnalagi. 

Höfða einkamál gegn hrunfólkinu

Athugasemdir

[Jenný Stefanía Jensdóttir, 25.8.2009 kl. 15:31]

Fólk ættað úr Hrunamannahreppi, gæti hrunið í þann fjanda að  afneita uppruna sínum.

"Hrunfólk"  fáránlegur bastarður þetta orð.

[Sigurður Gunnarsson, 25.8.2009 kl. 16:09]

Tek fram að ég er Hrunamaður í Hrunamannahreppi, en tel mig eða aðra Hrunamenn ekki í hópi "Hrunfólks". Annað orð væri vissulega heppilegra og óska ég eftir uppástungum.

[Agla, 25.8.2009 kl. 21:06]

Væri ekki tilvalið að senda fjölmðlafólk á endurhæfingarnámskeið i íslensku annað slagið? .Kannski gæti Eiður Guðnason samið námsskrána?

Er ekki  eitthvert blaðamannafélag  starfandi  á landinu? Gætu þeir ekki samið íslenskupróf sem umsækjendur  þyrftu að standast til að fá "starfsréttindi"?

[Jenný Stefanía Jensdóttir, 25.8.2009 kl. 22:22]

Á sömuleiðis ættir að rekja í Hrunamannahreppinn, þess vegna hef ég áhyggjur af þessu orðskrípi.

 "Fjárglæframenn"  Gróðrapungar (kvk. mætti líka nota þegar þar á við), Geimverur frá Græðgishnetti.  Hins vegar þarf þetta orð í tengslum við fréttina líka að ná yfir þá sem gerðu sig seka um stórkostlegt andleysi, andlega leti, og starfsafglöp, án þess að vera endilega gróðrapungar. 

"Opinberir afglapar" myndi prýðilega þekja þennan hóp.