Miskunnarleysi ameríkana

Hinn "sannkristni" Ameríkani sýnir það enn og aftur að honum hefur aldrei verið kennt nýja testamentið. Mannúðarsjónarmið virðast ekki vera til í hans orðabók og lögmál gamla testamentisins "auga fyrir auga og tönn fyrir tönn" það sem gildir. Þeir eru enda eina þjóðin sem tilheyrir hinum vestræna heimi sem stundar dauðarefsingar. Þá eru þeir það forhertir skv. fréttum að þeir lífláta jafnvel andlega vanheilt og/eða þroskaheft fólk. Það er Bretum til mikils sóma að hlusta ekki á þá og sleppa dauðvona manni, svo hann geti dáið á heimaslóðum, þó að hann hafi framið hryllilegan glæp, enda verður ekki séð hvað það hjálpar ættingjum fórnarlamba að hann deyi á fangelsissjúkrahúsi, frekar en sjúkrahúsi á heimaslóðum.  

Obama gagnrýnir Skota

Athugasemdir

[Iris (IP-tala skráð) 20.8.2009 kl. 18:38]

ég get ekki annað en spurt hvort að þú værir sama sinnis ef einn af þessum 270 um borð hefði verið ættingi þinn? Af hverju á maður að losna við refsingu vegna þess að maður er dauðvona? Hann getur alveg dáið í fangelsi bara. Hann sýndi enga miskun til fórnalamba sinna og af hverju ætti hann að fá einhverja aðra meðferð? (já býð ekki hina kinnina fram en geng heldur ekki svo langt að það sé alltaf auga fyrir auga).

Af hverju á maður að fá að deyja í heimalandi sínu eftir að fremja svona hryllilegan glæp? Þú kallar þetta miskunarleysi Ameríkananna og ég er sammála þér að oft eru þeir það, en ekki í þessu máli.

[Gilbert (IP-tala skráð) 20.8.2009 kl. 19:20]

2 vikur inni fyrir hvert morð sem hann framdi og að sleppa honum ekki væri miskunarleysi? Þú ert ruglaður.

[Gilbert (IP-tala skráð) 20.8.2009 kl. 19:22]

Sé að þú ert lögfæðingur í atvinnuleit, gætir líklega fúnkerað vel sem verjandi barnanauðgara á Íslandi, hljóta að fá allt of harða dóma miða við þetta er það ekki?

[Sigurður Gunnarsson, 20.8.2009 kl. 20:33]

Þetta er ekki spurning um refsingu lengur, heldur hvar maðurinn fái að deyja. Ef hann væri ekki dauðvona, væri ég fullkomlega sammála Irisi og Gilbert. Barnaníðingar eiga rétt á verjanda eins og allir aðrir, þó ekki sé það draumastarf lögmanna, og eiga að fá harða dóma ef á þá sannast athæfið.

[Geiri (IP-tala skráð) 20.8.2009 kl. 20:42]

Núna verður tekið á móti honum sem þjóðhetju þegar hann snýr heim, gott PR fyrir hryðjuverkasamtök.

Maðurinn er ekki búinn að sitja út dóminn sinn og á því að deyja í fangelsinu, þetta er ekkert flókið. Þetta er mannúðlegt fangelsi sem hann hefur setið í og ekkert að því að hann láti lífið þar.