Gengishrunið er lagt á almenning.

Það er eðlilegt að fólk sé ósátt við lánastofnanir og tregt til greiðslna. Það er enda engin hemja að lánardrottnar taki ekkert af 100% hækkun gengistryggðra lána á sig, heldur ætli lántaka að taka hana á sig alla en sitja sjálfir tjónlausir eftir. Lánastofnanir verja sig reyndar með því að segjast hafa varað lántakendur við gengisáhættu, en gleyma að nefna að í flestum tilvikum hvöttu þær sjálfar til slíkrar lántöku, því krónan væri "traust" og vextir miklu lægri. Ég tel það það sanngirniskröfu að lánastofnanir taki á sig amk. 50% af gengisáhættunni sem þær voru vel meðvitaðar um, og hvet hið háa Alþingi til að setja lög er tryggi það, bæði á þau lán sem fyrir eru og eins ef svo ólíklega vill til að almenningi bjóðist aftur að taka gengistryggð lán í vonandi væntanlegu betra tíðarfari. 

Alvarleg skilaboð felast í minni greiðsluvilja

Athugasemdir

[Nískur (IP-tala skráð) 18.8.2009 kl. 15:24]

Manni finnst líka blóðugt að horfa uppá í hvað þessar greiðslur fara

Þeir fáu yfirmenn sem hættu hjá bönkunum eru núna á enn betri launum hjá skilanefndunum

[ThoR-E, 18.8.2009 kl. 16:58]

Tek undir þetta.

Almenningur á ekki að þurfa að taka á sig allt tap vegna hrunsins, en þeir sem jafnvel áttu stóran hlut í hruninu sleppa án taps v/ húsnæðislána.

Þarna er verið að ræna fólkið í landinu og ríkisstjórnin gerir ekkert ...

skjaldborg um heimilin ??

góður þessi!