"Þeir"

Einu sinni var ég í þeirri stöðu að þurfa að skipuleggja löggæslu ofl á stórri útihátíð. Var það töluvert verk, því ég þurfti að auka mannskap og eiga við fylgifiska er töldu sig lífsnauðsynlega, eins og Stígamót ofl., td, mormóna og og önnur kristileg samtök er vildu sérstök tjöld. Tókst mér að komast í gegnum þetta allt og hafa sæmilega umgjörð um hátíðina sem fór ágætlega fram. En hinsvegar kallaði þetta á bæjarfeðir, og heimsóknir til ættingja og vina. Voru heimsóknarnir hið besta mál, en nær undantekningalaust áttu vinirnir ungling á leið á téða útihátíð og lýstu yfir áhyggjum af úrræðaleysi þeirra er eftir skyldu líta. Er ég sagði þetta allt undir "control" og ábyrgir aðilar eftir þessu fylgdust, var ég spurður jæja, og hver er það ! Ég svaraði ég, en áfram héldu menn samt að að tala um þá. Ég semsagt var "þeir" sem áttu að sjá um að allt færi vel fram, en var á staðnum í pásu frá undirbúningi að því. Þetta var frekar súrrealistísk upplifun, og ef ég kynni að skrifa í anda Kafka og væri ekki hræddur við köngulær, kæmi ég eflaust einhverju á blað.